近日，海底捞推出咗内部团队孵化嘅副品牌，主打人均消费80价位嘅火锅市场，与主品牌嘅定位区别开。
然而，呢个“高性价比”嘅新品牌名，就叫“嗨捞”……
▲图源网络
睇到呢个新品牌后，好多平时钟意平靓正嘅广东人都表示，有啲顶唔顺……
试想某一日，你嘅朋友同你讲：“今天你生日，我们去嗨佬火锅听一下傻嗨嗨庆祝啦！”你会作何感受？
▲网友观点
传统上，起餐饮品牌名，除咗“姓氏+记”嘅独特规律之外，亦有唔少老世为咗体现创意，钟意用谐音起名，新奇之余，朗朗上口。
不过亦有唔少老世忽略咗在地文化，又或者冇掌握好尺度，品牌名往往就容易令人啼笑皆非嘞……
01
餐厅老板爱食字
食早餐
广州人早上离不开粥粉面饭,个个“埋位”，饮早茶。开食肆，肯定希望个个食客都“友食神”，早茶四大天王、八大金刚样样齐，想点咩都德。
▲图源网络
再加上，肠粉正，食咗唔会变正粉肠，简直無得辉。
▲图源网络
加餐
食完早餐，唔够饱，不如加一份牛杂。“容意发”店，好似讲紧，食我哋铺头嘅牛杂，好易发达。食完之后，再赞一句“茂嘚顶”。
▲图源水印
食晏
睇餸食饭，都系米饭班主话事，中午求其食一餐，符合广州人务实作风。咁就“米走鸡”，点两个豆腐火腩饭，同你嘅“百厌昇”来份男人的浪漫。
▲图源网络
食糖水
食完正餐之后，再来一碗正宗糖水，华滋距系番薯糖水，椰汁西米露，或者系红豆沙，双皮奶，都一样清凉解暑，滋味十足。
▲图源网络
饮下午茶
下午来杯咖啡醒醒神，吞扑最佳拍档，要杯“咩乜coffee”，够晒“鸠鸠史”！
▲图源水印
飞发
落班如果你想剪个发，最好去揾周润发，听讲距润发嘅秘方俗称“粥润发”，照做以后肯定有得发维。
▲图源网络
食晚饭
晚上，食韩国炸鸡，日本料理，牛肉火锅，酸菜鱼，定系粤式小炒？列举咁多，你究竟“港原味”，仲要讲到一旧旧，“渔无鳞刺”，食咁热气系唔系想生“菲兹”。
▲图源网络
唔系“泰紫椰”，就唔好“泰咀刁”，更加唔好“Tai Enjoy(泰享受)”，做人唔好太了能，以后先会食上大茶饭，到你“揸fit”
▲图源网络
吔宵夜
宵夜直落。“炸加姨”点几份干炒牛河，几份烧烤。今天行一日，食足一日，够晒劲揪！食饱就好翻去训。
▲图源网络
逛足一日，睇到唔少嘅铺名，简单几个字，就点出店名嘅服务属性，实在高章！
02
粗口做店名系有趣定冒犯？
以上嘅盏鬼店名，贴题，又食得一个好字。咁等阵讲到嘅店名，食字可能食得尴尬。
嗨/Hi
“嗨”字可以讲系起名尴尬嘅重灾区。想食花甲，有一家“Hi味花甲”，想食串烧就有“好嗨串”、“嗨之味”，想食炸鸡有“嗨婆”，想喝果汁有“嗨汁吧”“嗨茶”，想打游戏，天河区就有一间“有家嗨店VR”，可以讲系应有尽有……
▲带“嗨”字的花甲串烧店，图源网络
▲图源网络
点解嗨字备受青睐呢？普通话语境中，嗨字可以解释为一种问候语，用来打招呼，比如“嗨，你好”，类似英文的“Hi”，表示欢快得意。也可以表示一种兴奋嘅情绪，类似于“high”。如此一来，餐馆用呢个词语，都系想客人食得开心。
但如果喺粤语中，就系另一个故事嘞。“嗨”隶属广东粗口五大字之一，标准写法为“閪（xi）”，因为避讳，所以会写成“嗨”。
▲图源网络
所以海底捞生日歌，“跟所有的烦恼说拜拜，给所有的快乐说hihi”，用“傻閪閪”来庆生，引起唔少老友疑问，唱呢只歌，究竟算唔算祝福？
七/柒
西华路有间茶餐厅叫“乱seven禁up”，可能系想食客，唔好乱讲嘢，多打好评。唔单止，有家便利店起名叫“167便利店”，中晒伏，只能封他为起名天才。
▲图源水印
在粤语中，7唔系数字咁简单，而是同样为广东粗口五大字之一“杘”字嘅借字，有时候起到强化语气作用，比如“好7好味”、“7就”。
▲图源网络
卤味
如果想系广东开卤味店，叫“卤点”，食客可能以为入去就会俾人“老点”。
▲图源网络
或者叫“唔止卤嘢”，确实够言简意赅，表明店入边除咗卤肉卤菜，仲有潮汕菜。
▲图源水印
又或者叫“李佬味卤味火锅”，呢家顺德嘅火锅店，广东人睇咗都要望而却步。
▲图源水印
粤语中“卤味”与“老味”发音相同，而“老味”有两种含义，一种指用特制酱汁做嘅菜，第二种就系“老母”，用于熟人之间玩笑式粗口“你老味”。
“吉”同“饺”
广州有粤港风味“吉利食店”，亦有“吉一野”、“吉阿婆”、“吉野家”，呢度嘅“吉”字同“拮”一个音，表示“戳，刺”。
▲图源网络
同样情况有“饺粥一世” “饺阿婆”，“饺”字同音“搞”，不少网友表示阿婆实惨，被人“吉”完又要被“饺”。
▲图源网络
其他
除了这些常用字，仲有一部分令人百思不得其解嘅粤语铺名。香港淂记曾经推出一个套餐叫“忽必裂”，单纯用粤语理解就系"八月十五一定会裂开”，真系够晒刺激，一个同辣相关嘅字眼都没有用到，却俾人感受到吃完上厕所嘅焦灼感。
▲图源网络
令人意想不到嘅地方仲有，“雕鲤”小酒馆，“烧乜春”烧烤店，“茂利”腊味杂货铺……有自己友就表示，见到店名都唔好意思行入去。
▲图源水印
重磅嘅仲有远洋日本Whole family，系内地就被翻译为“全家”，在马来西亚就被翻译成“冚家”。
▲图源水印
好似翻译得很到位，顺便问一句，“冚家”会唔会有橙卖？
03
玩得好得啖笑，玩唔好就畀人闹
对于“粗口”谐音店名，有部分网友就表示，当成笑话就可以，毕竟唔系所有人都认得明粤语。
比如深圳有一间叫“冲里老味”嘅铺头，主打湘菜。如果根据部分湖南地区发音，“冲”可以用“山”去解释，店名意思为“山里的老味道”。但喺粤语语境，又系一种内涵行为了。
▲图源水印
亦都有部分人认为呢啲店名为咗博眼球而冇底线，冇礼貌当有趣。
▲图源网络
▲图源网络
比如喺珠江新城附近有一家“锋味·乜hi都啫·乜7都烧”，一部分人觉得纯属玩笑，但亦有一部分人怀疑餐厅为咗吸引眼球而乱取名。
最后
一家店点解起咁样嘅名，最终都要问回店家。因为地域文化嘅差异，对某些字眼嘅理解都会不同。但喺广州开店，都系有必要了解一下当地文化。毕竟，“入屋先叫人，入庙先拜神”，店开到人家屋企门口嘞，就要跟足规矩。
各位自己友，
你点睇粤语食字铺名？
欢迎在评论区留言！
